دردشة من أين ابدأ

وصف الخدمة

بتحلم بالجبال.. بس خايف "جسمك" يخذلك؟ 🏔️💔 كثير منا بكون جواته نداء كبير للطبيعة، حلم إنه يوقف فوق قمة ويشوف العالم من بعيد.. بس في صوت داخلي بوقفنا وبهمس: "أنا مش رياضي كفاية".. "جسمي مش رح يتحمل".. "شو هدا العالم".. "رح أكون أبطأ واحد بالمسار".. أو بكل بساطة: "أنا بخاف"! بدي أحكيلك سر: الجبل ما بطلب منك تكون بطل أولمبي، الجبل بس بطلب منك "تبدأ". لقاء "من القلب للقلب".. أول خطوة للقمة ☕✨ لأني بعرف قديش هي الخطوة الأولى صعبة، قررت أعمل شي مختلف. هاد مش تدريب رياضي، هاد لقاء خاص بيني وبينك، مساحة آمنة ومن غير أي أحكام: رح نحكي عن المخاوف: شو اللي فعلياً مانعك تبدأ؟ رح نفكك العوائق: هل المشكلة باللياقة؟ بالخوف من المرتفعات؟ ولا بقلة الخبرة؟ رح نبني "خارطة طريق" بتناسبك إنت: خطة عمل صغيرة، هادية، ومريحة، بتمشي مع قدرات جسمك الحالية وبتحترم حدودك. ليش هاد اللقاء؟ لأني كنت هناك، وبعرف إنه أصعب قمة هي مش قمة الجبل، هي القمة اللي بتبنيها جواتك عشان تكسر خوفك. الطبيعة بتسعنا كلنا، وأنا هون عشان أساعدك تفتح قلبك لهاد العالم وتشوف قديش أنت قادر. جاهز ندردش؟ هذا اللقاء فردي ومجاني تماماً، هدفنا فيه بس "نفتح الأبواب". ✅ احجز وقتك معنا خلينا نحول الخوف لخطوة أولى على الطريق.