تشبيك وتحضير مسار لمجموعة

وصف الخدمة

جاهزة تكتشفي القوة اللي فيكِ؟ 🏔️✨ الجبال مش بس غيرت مسار مشيي، الجبال غيرت مسار حياتي كلياً. واليوم، أنا هون عشان أقولك إنك بعد هذا المسار، رح ترجعي إنسانة ثانية.. جاهزة؟ قصتي.. من البيت للجبل زي كثير صبايا، اضطررت أحارب وأدافع عن حقي في الحياة. أهلي، ومن خوفهم عليّ، بفضلوا "البيت" لأنه أمان أكثر. كنت دائماً أسأل حالي: ليه لازم أحارب عشان أعيش الحياة بتفاصيلها؟ ولما اكتشفت حبي للعالم البري، عرفت إني مش بس لازم أحارب، أنا لازم "أفوز" بهي المعركة. تجربتي الأولى كانت زي طفل بيذوق طعمة جديدة لأول مرة؛ علامات تعجب وفرحة غريبة. رغم كل التحديات، ما خليت شي يطفي شغفي، وانبسطت بكل تفصيلة صغيرة بالطبيعة. شو اللي تغير؟ بعد أول مسار لي بريّة البلاد، عرفت إني ما كنت عايشة فعلياً قبل هيك! اكتشفت جزء قوي فيّ، صغرت حدود الخوف، وصار الجبل هو الصديق اللي بيرافقني دائماً. أنا بنيت هالسلسلة عشان أشوف نساء أكثر بيحسوا بهي القوة.. لأن الخوف وعدم المعرفة هني مجرد حواجز بنقدر نتخطاها ونوصل لأبعد مما نتخيل. شو هو البرنامج؟ (سيرورة الجبل) 🧭 هون رح تشبكي مع مغامرات (أو مغامرين) بيشبهوكِ، وبدوروا على نفس الحلم.. يعني كل شخص معني بهاي السيرورة بسجل..انا بتواصل معكوا.. وبعد ما يكون العدد الملائم منبدأ السيرورة.. (ملاحظة: المجموعات لدينا منفصلة تماماً، لضمان الراحة والخصوصية؛ مجموعات خاصة للصبايا ومجموعات خاصة للشباب) الحديث بصيغة المؤنث لأنه اقربلي بالوصف..بس موجه للشباب والصبايا. خلال السيرورة رح نشتغل على: التشبيك والاندماج: رح تتعرفوا على مجموعتكم (2-6 أشخاص) وتختاروا بعض لتطلعوا الجبل سوا. بناء المهارات: رح أعلمكِ كل الأليات اللي بتخليكِ تطلعي مسارات "لحالك" وبكل ثقة، لأن المعرفة هي أساس القوة. الحرية والتحدي: مرافقة كاملة مني من البداية، حتى الجبل.. وما بعد الجبل. شو بانتظاركم؟ رح تختاروا واحد من 10 مسارات عالمية رح أشارككم تفاصيلها؛ كل مسار وله مستواه، طوله، وسعره. أنتم بتختاروا المسار والوقت اللي بناسبكم! الخدمة تشمل (بـ 1500 شيكل فقط): ✅ لقاءات تعارفية وتدريبية في البلاد (معي ومع المجموعة). ✅ إرشاد كامل وتخطيط (قبل، خلال، وبعد الرحلة). ✅ مجموعة واتساب ومرافقة 24 ساعة في كل خطوة. ✅ لقاءات حجز الأكواخ وشرح المسار بالتفصيل. ✅ اجتماعات أونلاين (زوم) لمتابعة كل التفاصيل. التكاليف التي لا تشملها الخدمة: ✗ معدات المسارات (تحتاج شراء خاص). ✗ تذاكر الطيران والوصول لنقطة الالتقاء. ✗ أي مخططات إضافية قبل أو بعد المسار. الجبل بناديكِ.. هل أنتِ مستعدة؟ العدد محدود جداً لنحافظ على جودة المجموعات الصغيرة. 📍 تواصلي معي هون لنبدأ أول خطوة في مسارِك الجديد!