SOLO مسار

وصف الخدمة

عمرك حلمت بتجربة تغير فيك كل شيء؟ 💫 بتحب الجبال وبدك تبدأ مسارك الخاص، بس مش عارف من وين وكيف؟ نحن بنحكي عن مغامرة من نوع آخر: مسارات "من كوخ لكوخ". تمشي فيها ببلاد جديدة، طبيعة ساحرة، وبعيد كل البعد عن روتينك اليومي. "لحالي.. لحالي؟" هذا أول سؤال بيخطر ببالك، وصراحة؟ على الطريق مش رح تكون لحالك أبداً. 🌍 رح تلتقي بناس من كل العالم، ناس بيشبهوك، سافروا لحالهم وعندهم نفس الفضول ونفس الأسئلة.. هناك، الغرباء بيتحولوا لرفاق درب في لحظات. والحلو؟ إنك أنت المتحكم الوحيد؛ بتقرر متى تقضي وقت معهم، ومتى تختار هدوئك الخاص. قصتي بدأت من "لحظة خوف".. في الـ 2021، أخذت قراري وطلعت أول مسار "سولو" (Solo Hike) بحياتي. بذكر قديش كنت خايفة من التجربة، اسئلة مثل: "واذا صار معي اشي...", او انه "يعني انا بقدر ادبر كلشي لحالي ؟؟".. وكان بدي انتصر على هاي التجربة.. ولما صرت هناك حسيت إنه مخاوفي كانوا براسي اكبر مما التجربة بتستاهل! وكتير كتير مبسوطة انه عالقليلة مرة بالحياة سافرت عالجبال لحالي!! والاحلى انه اكتشفت إني أقوى بكتير مما تخيلت 💪، الجبال علمتني أسمع لصوتي الداخلي وسط الصمت، ومن هذيك الرحلة طلعت بصداقات عالمية، لليوم هي صداقات بحبها! والحرية هي إنك تختار! 🙏✨ لو كنتِ صبية لحالك، أو شاب لحالك.. الخوف ما له مكان هون. أنا هون عشان أبني معك الثقة؛ إنتِ قوية كفاية، وإنت قادر توصل.. وكل اللي بتحتاجه هو "خطة مدروسة" صحيحة تخلّيك تستمتع بكل خطوة. كيف رح نمشي سوا؟ 🌱 هدفي مش بس أبعتك على جبل، هدفي أساعدك تلاقي المسار اللي بيناسب قدراتك والمرحلة اللي أنت فيها اليوم بحياتك. 🔥 طب لوين رح نروح, اي جبل? ووينتا? شوي شوي رح تكتشف الأجوبة: تخطيط ذكي: نختار المسار والوقت الصح والمناسب الك. التزام وتدريب: نجهز جسمك ونفسيتك للمغامرة. رحلة روحية: رح تكتشف فيها جوانب جديدة من شخصيتك. °°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° وشوي شوي.. رح تلاقي حالك جاهز لأول جبل، وعم بتوقع بحب مغامرتك الأولى. ⛰️💫 🗓️ مدة المرافقة: رح أكون معك خطوة بخطوة..حتى العودة من المسار. ولقاءاتنا اسبوعية, حتى ننهي التخطيط, وعلى الزوم تكلفة خدمة المرافقة هي 1500, وطبعا..لا تشمل تكاليف الرحلة ذاتها ✅ شرط الانضمام: رغبة حقيقية إنك توصل لآخر الدورة وتشوف العالم من فوق.. من الجبل! 🏞️