نبذة
أهلاً وسهلاً في سلسلة "إلى الجبال | عالم الخرائط" 🗺️⛰️ إذا وصلت لهون، فغالبًا بلشت تدخل عالم المسارات،وصار لازم تعرف وتفهم كيف الخرايط بتشتغل! عشان هيك عملتلكم هاي الورشة المسجلة، مدتها 77 دقيقة، عشان نرتّب عالم الخرائط الرقمية ونفهمه بطريقة بسيطة وعملية. أنا حنان، مؤسسة مشروع الجبال ومغامرة من 7 سنوات، لفيت العالم لأمشي جبال وأستكشف الطبيعة، وخلال هالسنوات صرت أعرف قدي معرفة الخريطة وكيفية استخدامها ممكن تغيّر تجربة المسار بالكامل. مهم تعرف: هاي الورشة مخصصة للـخرائط الرقمية او الديجيتال على الهاتف يعني📱، وليست ورشة عن قراءة الخرائط الورقية أو استخدام البوصلة التقليدية.. لانه كل الناس بتعرف تستخدم التلفون وفش سبب نرجع 200 سنة لورا.. بالاخر انت مش مرشد مسارات انت مرشد على نفسك! وفي كثثر تطبيقات للمسارات.. بس انا بالورشة بعرضهن بشكل عام بس بركز بشكل أساسي على تطبيق Gaia GPS، بالإضافة إلى فهم أساسيات الخرائط. --------هاي الورشة مناسبة إلك إذا: بتحس بتعرفش تلاقي حالك على الخارطة ومش فاهم كيف بتشتغل خارطة المسارات أو بدك تتعلم كيف تستخدم تلفونك كأداة للملاحة ومش بس تمشي لانه في شخص ثاني يقود المجموعة. أو ببساطة بدك تبني أساس قوي في استخدام الخرائط الرقمية للمسارات.. لانه اهم وسيلة لفهم عالم المسارات لو كان مسار يوم او مسار طويل.. بالبلاد او خارجها.. --------شو رح نتعلم بالورشة؟ الورشة مقسمة إلى جزأين، وبننتقل فيها من فهم الخريطة إلى استخدامها فعليًا على الهاتف. الجزء الأول: أساسيات الخرائط - 38 دقيقة رح نبدأ من الأساسيات: • مقدمة عن الخرائط الرقمية والورقية، والفرق بينهما • أنواع تطبيقات الخرائط وإمكانياتها • فهم مفتاح الخريطة والرموز الأساسية • فهم التضاريس الأساسية • كيف نقرأ الارتفاعات ونفهم شكل الأرض من الخريطة الهدف هون مش تحفظ مصطلحات، وإنما تبدأ تشوف الخريطة وتفهم شكل الجبل والأرض أمامك. الجزء الثاني: الدخول إلى تطبيق Gaia GPS - 39 دقيقة. بعد ما فهمنا أساسيات الخريطة، بننتقل للتطبيق العملي رح نتعلم: • كيف يعمل تطبيق Gaia GPS • أساسيات التطبيق وأهم الأدوات • كيف نقرأ المسار على الخريطة • كيف نفهم الارتفاعات وبيانات المسار وهيك بس تبدأ تفهم الخريطة، رح تبدأ تفهم الجبل نفسه..وبتبطل تحس بالضياع!